L’ombre de Mataire

Ilustración: Carolina de Mur

Pos sí, sí, el cuento de l’ombre de Mataire, u l’ombre zerrudo. Diz que per alto per las esplugas, penas y zillos de Punta Llerga feba la tuta un ser granizo como un tricallón, yera l’ombre zerrudo, u l’ombre salbache de Mataire. Yera alto y gran y yera tot tapau de pels marroniscos.

Bebiba n’es bosques y comeba lo que trobaba: chordons, martuels, cornias, bellanas y asta cualque camparol se foteba. Feba pacha con es onsos, que ta par d’alabez i eba onsos campando per esta bal. Pocos ixarrallons feban es onsos y si belún en feban yera que teneban fambre u teneban que fer grasera ta engarcholar-se en bela espluga ta pasar l’ibierno.

L’ombre nunca feba mal al bistiar, si alcaso bela bez y si sabeba que no’l biyeban gosaba foter-se en bela pleta a muyir bela craba u bela güella ta zorruspar la leche.

Encá que yera gran no’l podeban apercazar, malas que biyeba a belún fuyiba espipando como la ixufrina y jopaba ta la selba, ta es zillos u ta las esplugas. Como teneba el pel marronisco se abragonaba a cualque árbol u s’acochaba entre penotas y no’l podeban biyer ni an que pasasen bien zerca. Si nunca el trobasen qui sabe que podrían fer-le ixa chen tan espantada. Le feba goi d’esbolotar-se per la molsa pompuda y laputiar es foraus anque las abellas gosaban fer-ie miel.

Diz bel güelo que cuan un zagal se cazegaba u cayeba per bel forau siempre l’aduyaba l’ombre. I hai qui diz que Chuanralla de Chiradiello yera el mesmo ombre zerrudo que gandaniaba per la bal, sin fer mal a dengún. Pero de cabo cuan, feba bel tremiu a belún y le ba bagar de contar y fer allegar asta nusatros ixas diziendas u… ¿talmén no son tan diziendas y bela mica berdá en tienen?

Anuncios
Deja un comentario

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s